Kjo ditë festohet në tërë botën në kujtesë të adaptimit të Konventës së Ligatinave në 2 shkurt 1971 në qytetin Ramsar të Iranit. Çdo vit që nga 1997, organizatat Qeveritare, shoqëritë civile, grupe qytetarësh në të gjitha nivelet kanë mundësinë të ndërrmarrin aksione për ndërgjegjsimin e popullsisë për vlerat e ligatinave dhe përfitimet që ka komuniteti nga menexhimi i mirë i këtyra zonave. Dita Botërore e Ligatinave për vitin 2012 ka si mesazh: ‘Turizmi dhe Ligatinat’ . Pikërisht në kuadër të ditës së Ligatinave, Ministria e Mjedisit, Pyjeve dhe Administrimit të Ujërave (MMPAU) së bashku me me Projektin e Zonave të Mbrojtura Detare, UNDP organizoi në Hotel Rogner Tiranë një aktivitet promovues për vlerat që ofrojnë ligatinat në vendin tonë.

Ministri i Mjedisit, Pyjeve dhe Administrimit të Ujërave, zoti Fatmir Mediu mori pjesë në aktivitetin e zhvilluar nga “Green Line Albania” “Të pastrojmë Shqipërinë në një ditë”.

Në këtë aktivitet, ishin pjesmarrës edhe eurodeputetja Tanja Fajon, nënkryetari i bashkisë së Tiranës Edmond Panariti, ambasadori slloven, përfaqësues nga MMPAU, etj.  Nëpërmjet një aksioni gjithpërfshirës, inisiativa e ndërmarrë nga “Green Line Albania” synon të aktivizojë grupe vullnetarësh për të ndërmarrë një pastrim në shkallë vendi në territorin e Shqipërisë, inisiativë kjo e ndërmarrë tashmë në Slloveni dhe vende të tjera të Evropës.